[سعيدالعمودي]

كل عام والجميع بخير وعيد سعيد
علينا وعليكم يعود بالخير ان شالله

البارحه كان الخيال وطرقي =
=يرسم تفاصيل الحياة ويمحو
كنه عرفني وش حقيقه فرقي =
=وادرك حقيقة شاعرٍ مايسهو
جيته وانا ادعي ياشموع احترقي =
=قلبي ضناه الشوق فيما يبدو
حلي بقلبي واصعديبه وارقي =
=خلي طيورك في سمايا تعلو
ياذوق ياروح الجمال الشرقي =
=كن العطر في راحتينك يسمو
ياشط عمري ياحكايه غرقي=
=زرعك على كيفه بقلبي ينمو
الحزن هذا ياحمام الورقي =
=يطيبله طول المقام ويحلو
دايم معي ماهو غريب وطرقي =
=لويبتعد عني مصيره يدنو
ليه ابتعد مادام بيته عرقي =
=احن له لكن عليا يقسو
اشتاقله واخيل برقه برقي =
=لاشفت وصل وخاطري مايسلو
حني علي اظن يكفي حرقي =
=يعني بعدهذا حسبتك تعفو
وفيتلك واظن هذا فرقي =
=بس الخطا منك علي مايبدو