تنشدني الناس وين الشعر ياهاجـر = ونا اتنشد عن علاجً يداويني
مرات أقول أنشغلت ومره مسافر= ومرات اكن الجواب وتفضحه عيني
انا اشهد اني فقدتك مقدر اكابر = وفقدت طعم الحياة ووجهها الزيني
تسعة شهورً مضن وذا الشهر عاشر= عجزت لجمع اببحر الشعر بيتيني
سلط على الحب مقسي رمحه الغادر= الي سكب دمعتي وادما شراييني
وين انت عني يا مسلم في طبع كافر= وين انت وين انت يالي بايرًفيني
تشوف حالي عقب فرقاك ياهاجر= اصبحت مثل اليتيم الي شكى البيني
لفو على امه كفنها وعينه تناظر = وخلوه ينتق ورا صفوف المصليني
ومع زوغ ذهن الصغير وحظه العاثر= تصفقو وتركوه يقلب الطيني
وكل ماسمع له هنوفً صوتها جاهر= قام يتلفت يقول امي تناديني
وصكت ضلوع الصغير قليبه الطاهر= وحارت دموعه شره في محجر العيني
ياقلب روما فقدتك مقدر اكابر = وعجزت لانسى خيالك وانت ناسيني
تبقى المعزه ويبقي جرحك الغاير = وبلهجتك( تيي تي فووليو بيني )