لاهمني قولك ولاضاق بالي
وانا على كل المواقيف صبار
وّطيت قدرك يالردي بالنعالي
بيني وبينك رب والوقت دوار
من باعني بعته ولو كان غالي
ودنياه لو زانت ترى الوقت غدار
الطيب لاهل الشر صعب المنالي
وانته حياتك كلها خمر وقمار
يالله يا قادر على كل والي
الواحد اللي خالق الجن من نار
يا مثبت(ن) بالارض كل الجبالي
عالم خفايا الكون..علام الاسرار
يالله يا منهو عليه اتكالي
وكلت امري لك وادعي بالاسحار
يا واسع الرحمة وفيك ابتهالي
يالله لطفك من صواديف الاقدار
وآخر كلامي ما يبي له جدالي
حنا عيال الجود.. اشراف واحرار
الله الله يا مشاعل ..
صح لسانك ولاهنتي على ما قرأت هناا
لك حق الفخر ولك التقدير
اخوك
ابو نايف