[فيصل الباهلي]

هي الأقدار دعتني إلى ذلك
اقبلوها كما هي




:
:
:
:



صكّت علي الواسعة لين استباحت حدها
. . . . . . . . . والناس ماترحم ورب الكون يفعل مايريــــد


وهي تنقط من حميم الهم محدن سدهــا
. . . . . . . . . وشلون لو صبت علي الضيم والحزن الصديد


يالله دبرهـــا وهــونها عليّ وقــدّها
. . . . . . . . . رحماك ياربي وانا مخلوق من ضمن العبيد


مؤمن ضعيف واطلبك يالله عني لدها
. . . . . . . . . اعوذبك يارب انا من كل شيطان مريــــــد


يالله ياربي طلبتك يم عدوي ودها
. . . . . . . . .حده عليها ياعليم الغيب عنها لايحيــد


هبت يمين ومن شمال وماقدرت اصدها
. . . . . . . . . يالله دخيلك من هبوب الحزن والهم العنيد


ياكثرهم عني تخلوا يوم جدت جدهــا
. . . . . . . . . والله ماقلت افزعولي لين ساندها سنيـد


جارت وجدت واستشدت لين طوق خدها
. . . . . . . . .وماعاد فيني حيل اقاوم واقهر الباس الشديد


عشرة سنين ٍ بيننا ماشفت واحد عدها
. . . . . . . . . صاروا هباءً يوم ريح الجد هبت من بعيــــد


كم واحدٍ قد طق صدره لي ولاهو قدها
. . . . . . . . .ماشفت منهم يوم جد الجد واحد لي عضيد


وكم مرة ٍ تقرعطت ظروفهم واكدهــــا
. . . . . . . . . والله ماقد قلت لا لو هي على نفسي تعيد


إلى ارتخت عزومهم جوني وقالوا شدها
. . . . . . . . . واشدها ماكن لي فضل ٍ ولا كني مفيــــد


من طيبتي املى يدين اللي يجي لامدها
. . . . . . . . . يشهد علي الله مارده ولو إنه كويـــد


ياحيف يادنيا السخافة لعنبو جد جدها
. . . . . . . . .كان التفاهة طيحت من عيني الرجل التليد


الكايدة جارت وانا ماشفت رجل ٍ بدها
. . . . . . . . . انا اشهد انه مايفل من الحديد الا حديد


اللي بعيني كنت احسبه لو تفرعن هدها
. . . . . . . . . هو اول انسان تخلى يوم داهمني الضديد


وقت السعة كلٍ يقول ابشر وانا لك ضدها
. . . . . . . . . يوم استضاق الكون فيني بان لي العلم الأكيد


ياكثرهم عني تخلوا يوم جدت جدها
. . . . . . . . . وخطاي ماصدقت هرج الوقت واليوم الشديد





فيصل الباهلي

ً