[محمد الفرحان]

السلام عليكم ورحمة الله وبركاته
في احد المنتديات كان هناك موضوع مضمونه :
متى تنزل دموعك ومن تختارلمسحها ؟
فكانت هذه الابيات التي اتمنى قبولها على قصورها
فالهدف من انزالها هو كسب دعواتكم لوالدتي في ظهر
الغيب بالعشر الاواخر من هذا الشهر الفضيل .
:

والله ماينثر دموعي سوى الشوق = للوالده إللي عليها الحسوفه
من عقبها ياخوك والحال في عوق = والوقت شانت من بعدها ظروفه
ومن عقبها والقلب يبست به عروق = فقدت منهي وافية بالمروفه
في جنة الفردوس ياجعلها فوق = بحشر الخلايق مايجيها كلوفة
مااعتقد في غيرها للشعر ذوق = لوطالت بيوته وكثرت حروفه
دمعي ليامنه تحدر من الموق = أفز وأنهض من مكاني واعوفه
أمسح دموعي من على الخد برفوق = وأصد عن وجه البشر لاتشوفه

وسلامتكم ولاتبخلوا على والدتي
بصادق دعواتكم لها بالجنة .