السلام عليكم ورحمة الله وبركاته
مساء الخير أحبتي أحببت طرح هذه القصيده وكلي أمل بأن تحوز على رضاكم وإستحسانكم
وأملي بتوجيهي إن وجدت أخطاء بهذه القصيده من حيث الوزن والقافيه كذالك في إختيار المفردات المناسبه,
مع خالص شكري وتقديري
بسم الله ابدى في قصيدي وبديه=وعلى النبي المبعوث خير الصلاتي
ابدى بذكر الله وذكر النبي فيه=من بعدها ابدى بقصيدي والآتي
الموت حق وكل مخلوق يلفيه=سنه من الخلاّق رب المماتي
مايعرف المسكين ما يعرف البيه=مايعرف الشبان حتى البناتي
ملك يجي مرسول إبأمر باريه=يقبض على روحً لفتها المناتي
وانا فقدت ((ابوي)) والعين تبكيه=واصبحت ميت بس عايش حياتي
ولوّي حزين الدمع بالعين أبخفيه=رجال بصبر والصبر من صفاتي
لكن مصيبه من فقد(( أم)) ياهيه=توْها بنيه كل ليله تحاتي
تبكي تصيح وتطلب الله تدعيه=وتقول ياربي تعجل وفاتي
من لامها بالحزن الله يكافيه=ويجيه ما جاها بلحظة سكاتي
بنتً حرمها الله ما كان تبغيه=صدرً حنون يضمها يا شقاتي
وانا علي الله أبدعي وناجيه=وارفع كفوفي للسماء في صلاتي
لامن ركعت وفي سجودي اناديه=يتقبل الله رحمته بالمماتي
واخر قصيدي بسم ربي ابنهيه=وعلى النبي المبعوث خير الصلاتي
حسن الزهراني