اختصرت المسافه لجل خــاطر عيـــونك
ودي اسبــــق غروري ياحبيبي وجيــك
مثل نسمه تعطـر من شــذاهــا جفـونـك
كلما اهتـــز رمشك عطــــرت حاجبيـــك
جيت لك مثــل طفلٍ عاش تايـه بــدونك
ماتمنى بعمـــره غيــــر لمسـة يـــديــــك
جيت اغيـــر وبعثـــر ياحبيبـي ظنـونـك
وابعـــد الشــــك عنـــــك قبـل يثـرعليـك
مثل عصفــور طايـر في سمائك وكونك
كل مقطع مسافــه زاد شـــوقـي اليـــــك
جيت خايف وقلبي يرتجف من جنـــونك
والهــــواجس حبيبـي كلهــــا تحتـــريـك
قبل تخطي وتسمع قول من يحســدونك
والخطــايــا تجــــرك والـــزمـن يبتليــك
لا تصـــدق حكيهم ودهــــم يحـــرمونـك
من حيــــاتك ومنـي بالكــــلام الركيـــــك
وانت عارف حيــاتي ماتســاوي بدونـك
لا تخيب ظنـــوني يامنى الـــروح فيــــك