[عبدالله الدوسري]

تهيّضت و اللي هاضني شوفة المحبوب=لمَح في المسنجر قبل لا أغلّق أبوابه
و حسّيت في صدري مثل هبّة الهبوب=تنعْوّشت و انعش خاطري شوفة احبابه
ويا مرحبا ترحيبةٍ طيبها مشبوب=عدد من مشى بين السموات و ترابه
بنشميةٍ ما شاقها من يغني (البوب)=طرَبها براس الرجم مسحوب و ربابه
غلاها تمثنى في الضّماير مثل الأنبوب=إلين استقرت في سويداه و حجابه
دخيل الرّموش العُكش يالجادل الرّعبوب=ترفّق على اللي ما بقى شيٍ من اعصابه
جمالك طبيعي كمّله قدّك المصبوب=و ضحكة شفاهٍ لك بديعه و خلاّبه
صويبك يعاني مدّةٍ ما نفعْه طبوب=و لا احدٍ عرف غيرك نتايجه و أسبابه
تجمّل و جمّع يالغضي حظي المكبوب=لعلّ الزمن يشلع من طعوني حْرابه
و تسلم جروحي منك و أرقد بدون حبوب=و حرفٍ كتبته لي بعَدْك أتسلّى به