بمناسبة شهر رمضان المبارك ،حبيت ابارك لكم بهذا الشهر الفضيل وعساكم من العايدين ان شاء الله
وجئتكم اليوم بمتواضعة اتمنى ان تنال على استحسان رضاكم
ياللي خذيت القلب وينك عن العين=يابعد دارك يامنى الروح عني
ابعدت عني وين انا و الفرح وين=بين الأمل والياس بالشوق كنّي
مجنون وارقب بالأمل شوفك يحين =واكبل اشواقي وغصب ٍ تحنَي
وأحايل الأشواق عل وعسى تلين=الناس نامت والمشاعر تونّي
يلومني السالي بحبك يا (بحرين) =ياويل حالي يوم حبك محنَي
ذرة ترابك تسوى عندي ملايين =ليته يفيد فكل يوم التمني
بتمنى شوفك يابلادي لي سنين=غربه وخلت كلي عقلي يجني
بعدج ياداري كن مالي محبين =بعدج جيوش الحزن صوبي تشني
بعدج يصير البيت فحساب حرفين= ياجعل دينارج بعد كل ينَي
اموت انا لارن رقمج بصفرين=تسعه وسبعه ثم ثلاثه يرني
يطري على ذيج المنازل ياغالين =ويطري علي كل المحبه وجني
كل القوافي يوم شوقج يابحرين = جر المشاعر يابلادي يغني
"مشــــــــــاعل ابراهيم"