اليوم انا ياناس انا اليوم محروم= خلي ذبحني حط في الغرابيل
ياليت الي جنحان ياناس واحوم=ارقى بعيد ولا تجيني مراسيل
ماني بله خادم ولاني بمخدوم =انا ولد ذيك الرجال الحلاحيل
ماني علا حبك ترى اليوم ملزوم= اقولها يابنت فالعدل والميل
اضن هرجن جاك يابنت مفهوم= اقري رسالة جات الك بتفاصيل
اهرج مع اهل الدار والقلب مهموم=كني غريقن شايله توه السيل
ظلمتني وصبحت انا اليوم مظلوم= الله حسيبك فاليال المقابيل
اجر انا صوتي على الحال ولوم= وانوم ماجاني ولا ابغاء المعاميل
اصبر على الفرقاء ولا اعيش مضيوم= وشربي من اول صافيات الشهاليل
امشي وكني تايه الليل منجوم= والحق حق الله ولا فيه تبديل
ماحد عن الزلات ياناس معصوم= بس البنيه زلزلتني زلازيل
ومن اول ياطير في راس مزموم= واليوم دمعك فوق خدك هماليل