[حواء]

محـــاولة اولـــــى اتمنى ان تعطوني رأيكم للاستفادة

مرت سنة لا نوم ولازاد لي طاب=من موق عيني دمعها سال مسكوب
اوقف على قبره ولا منّهِ اجواب=حب(ن)رحل مني وانا عشتِ مصيوب
صملان قلبي والحشا فيه تلهاب=والقلب من فرقاه كنّه بدالوب
ياقبر قلّي تآخذه مابعد شاب=لا لاتقول الموت حق(ن)و مكتوب
يا قبر ياللي للفرح دوم نهّاب=ذكراهِ فيني بينَ الاضلاع ِ منهوب
لالا تقول انسى و جرحي ولا طاب=ولالاتقول اصبر كما صبْر ايوب
ذليت أعلى قدر وارخت لكَ ارقاب=وبهالعباري أحمر اللون مذيوب
من ذاق ظلمك عاف زاده والاشراب=وبْكاس ِ خمرات العنا صار ِ مشروب
انحب نحيب الورع ِ وابكي على الباب=عل و عسى يسمع لدقات القلوب
ياقبر قلّه عقبك الخل ِّ منصاب=لا خير بعدك يابعد كل محبوب
وش عاد لي بالدار من غير الاحباب=وناس(ن) بكت فرقا حبيبي على الدوب
وش لي بعين(ن)تذرف الدمع ِ سكاب=خذ ّ النظر من بعدِ ماخطّ مكتوب
احلفت مالبس غيرعتمات الاسلاب=لا لا ولا البس زاهي اللبس والثوب

حــــواء((بنت البوادي))