السلام عليكم
وبعد الإنقطاع ..(جديد) للتواصل في منابع ..
أتمنى تحوز على رضاكم ..
..
الشوق غزاي ٍ بلا سابق إنذار = يكسب عقول ٍ شارده ما تبالي
كنه زعيم لحزب والحزب منهار = أشر على راسي و أقر أعتقالي
اشعاع نور الشوق سببلي اجهار = أعمى عيوني بعد ما كنت سالي
شوّق خيالي شوق من صالي النار = والقلب من فقد الحبايب يلالي
الشوق وقفني على سطح الإظهار = بيّن لي الذكرى بذيك الليالي
ليل اللقا ليل الشقا ليل الاسرار = ليل الإجابه يوم تلحق سؤالي
ليل أنفراز الحب عن شوف الأبصار = ليل القصايد بالمحبه ارتجالي
والزين غصب ٍ مقفي ٍ له على دار = هنى لغيري والبلا ما هنالي
وقت ٍ مضى والوقت من بيننا دار = يا حيها من حب يا حي غالي
ودي ولكن وش على القلب يختار = هم الجفا هم العنا وش بقالي
ودي على شوقي يجي بسابق إنذار = من شان اقول أبعد وخلني لحالي
..
أحمد بن بدير