[إبراهيم الشتوي]

لكم وللطهر الذي يسكنكم ..

حبيبي.. والوفاء ديره وشوقي والسنين أعتاب=تحاصرني واحاصرها بحلم ..عانق اهدومي
حبيبي والغلاء رجم رقيت بخافق ٍ مرتاب=تلفت في دجى وصلك لانام الوصل محرومي
تخيلتك بروق اليأس تخيلتك مطر كذاب=وانا لامن تفيأتك نبت ظل ٍعلى حلومي
سريتك ياسراب القلب على طاري أمل ماتاب=وصلني.. ولا وصلت آخر حدود ٍ يشبه أقدومي
يموت الغيم في كفي وفي كفي حياة أغراب=يعيش ابداخلي هاجس كئيب حافظ أرسومي
صحيت ولا وعيت الا على خدي دموع أحباب=سنابل شوق ..وصافي موق.. وخفوق ٍ ساكن ٍ يومي
حبيبي والصدى صوتي وصوتك في دموعي غاب=دفنته في ثرى ذاتي وطاح الملح في نومي
حبيبي والنوى حرفٍِ قراني في سطور أكتاب=وانا ياصاحبي هامت في بعدك شامخ اعلومي

فلنفتش في ملامح المرآة والمارة ..

فثمة وجه مختلف ..

وثكنة أقنعه تأتلف ..
/


\


/

مثل انتحار.. الشوق بقلوب الأيتام =مثل انحدار.. الدمع بعيون طفله
مثل انهمار.. الظلم في نهر الأجسام=مثل انصهار ..الصمت في وسط حفله
مثل اختصار ..العلم لقبور الأحلام=مثل احتقار.. الحب بقلوب ثملة
مثل انكسار ..العز لانشل ما قام=مثل احتضار ..الحرف في وسط جمله
واللي سبق ياقلب مثلك بلا أوهام=طعن القفا يثبت بالاخلاق بخله
جذر الحزن واصل الى بطن الأيام= وعذر الحزن حارب على أشلاء جفله
ياغربة البسمة لو ان الجفاء دام= لارحل بوسط الروح .. ثم اعترف له
وأعلن خفايا ثلج في نار وعسام=واسرد مسارب ضوء محد انتبه له
واغرق هجوس الصد في بحر سوام=وافتح لوجه الريح أبواب عدله
لي الوفاء ياقلب كلي لك أحزام= ببقا عزيز الروح والنفس جزله
مثل انتصار ..النور في سور الأيام= مثل انهمار ..سرور في وجه طفله

شكرا لكل من مر من هنا ...