السلام عليكم ورحمة الله وبركاته
أخواني واخواتي بمنتديات منابع الادبيه
تشرف بدعوه اخ عزيز وغالي بالمشاركه معكم
وأن اكون من ضمن من نالوا شرف الدعوه
شكراً للشاعر القدير
محمد الفرحان
على دعوته ووفائه ونقاءه
وهذه أولى مشاركاتي بالمنتدى
اتمنى ان تنال اعجابكم
الشعر دم القلب لو ماله عروق=وبيض الورق من حزة الشعر طربانه
سمّوه عذب الكلام ..وحلو منطوق=والوانه أكثر من حروفه..وألحانه
مااحتكرته حُمره وهذا السما فوق..=أزرق ومنه القاع خضراء ورويانه
يذوب معه السواد..وينتشي ذوق=ويغتاله الصبح..لاشرّع بـ بيبانه
فيه أرتياح الجفن من غمضة الموق=وفيه أرتياب المكان وصمت جدرانه
وفيه الخيال يروح جولات ويسوق..=معه التفاكير صفراء وعطشانه
وأذا لقيت البيض في مجمل النوق=أجهمتها من زود (يالا ويادانه)
أبقى أسير الشعر والضيم والشوق=لوزاد من نبضات قلبي ووجدانه!
وياللي على شوفتك بدري وملحوق=نفسي على لقياك عجله وشفقانه
كني على طاريك مجني ومسروق=معه المعاليق (مرتاحه)و(ولهانه)
حطيت لك في داخل (القلب)صندوق=حتى مع الأيام مايخسر(رهانه)
والحب مايستانسه كل مخلوق=وبعض المشاعر ماتعبرّ عن الخانه!