[مزون المحمد]

قديمة \ تجددت

جددتها اللحظة التي أعيشها ..

دعواتكم لوالدتي ..

تحدر دمعي من عيني .. وقف قلبي بونـة آآآه= رفعت الصوت ياربي .. رفعت الصوت يارُحماك
على منهو سكن فيه المرض واعياه ثم اعيـاه= مريضك ياإله الكون على بابك .. على مشفـاك
يكابر بين وناته علـى صبـره علـى شكـواه = وفي عز الألم يضحك \ وهو في داخله ينصـاك
يصَبر بالرضا نفسه ألا يـا هالصبـر ماقـواه= تصبّر والصّبر نعمه يجـازي بالصبـر مـولاك
ألا ياربي ترفـع عنـه مانزَلـت بـه واضنـاه= ألا يالله تزيل الكرب طلبتك رحمتك ورضـاك
ترى مالي بهالدنيا سوى قلبـه وانـا مضنـاه= دخيلك ياإله الكون .. تعافـي مـن زبـن بحمـاك
أهي أمي .. أهي دمي .. أهي كون الحياة أحياه= دعائي ياشموع الدار عسى رب السما يرعـاك
مسى دارك بلا نورك .. مسى صرخاتي بـيُمـاه= كفوفي تحضن ثيابك .. أشمك .. ألتفت ماالقاك
عسى بيت(ن) فقد نورك يشوفك من عقب فرقاه= وعسى ربي يعين القلب .. يعينه من بعد فرقاك
وعسى في رحلتك خيره تداوين المرض بـدواه= وترجع ضحكتك عندي عقب ماهي على ذكراك

وســلامة قلوبكم

.
.