[حسين آل صمع]

اتهندمــ / اتبعثر / انظر


لعقارب القدوم المتقلب


فقد كان لي نصيبها


مني ../ منها / لا أدري..

تجينّي مثل الرياح /مشتته / مرتبكه = والملمك مثل الحزن في دفتري وكتابي
كله حنان لـ بسمتك والغره المنفكه = وشيطنتك ونظرتك والمسفع العنابي
وكل مغلق افتحه ولو تبين اصكه = يعني كذا ادللك لو ماخذيت حسابي

قلبي ثمل جنونها

ادمن ثرثرة الذكاء

ليلتقط فكرته المسائية

فقط ليكتبها ..هي

او ينال مني بها

ليليه اسهر للشعر وان ماحصل أعكه = لين يتناما دفتري طفلٍ وتوه حابي
ازخرفه وارتبه واللوكـ ..ماهوب لكه = اهم شي اتشجرك .. ويورقك ترحابي
احب لاقلتِ :الشعر ياخي ممل وسكه=لاصار ماهو من فمك حرام فيه اعجابي

بعد مر القصائد

وتكرار المواجع

يصبح الشاعر احيانا

(موضه قديمه)

وأيل للنهوض...

باقي على جمر الحلو وجرح قلبي تكه= قريتها بالمختصر لحظة غرق باسهابي
كأن روحتك الحجيج إن وادعو من مكه =ما كنت اعرف لجيتك ولا بعد لغيابي
وتغيرت قناعتك بالكون او بالسكه = اللي مشينا ليلها وانتي يدك بثيابي

لا يبقى شيئاً اجمل

من طعنة بطعم التوت

هكذا مذاق اصابعها

لأنني انام قلقا

عندما لا أتألمها

افكاري الليله لها متضامنه مشتبكه= لقيتها تسكن دمي ثم تبتسم لعتابي
احسبني ابني واقعي وانا حرام ادكه= وازخرف عيوني لها ..وغترتي واطيابي
اخاف ترجع للمسا متشتته/ مرتبكه=والله ولهت لنورها في دفتري وكتابي

(اقترفت هنا )

اشاعه هذيان صباحي

كنت اقترفه وجعاً

ليستبشر قلبي

ولو بكذبة اغسطس

حسين فقط لاغير

9/8/2006

بعد الميلاد