[باتل عبدالعزيز]

لبنان لــــــن تموت
فنـــحن ُ عرب وتعتلي المناكب بشوت ؟

هنا بحضن الورق يشهق قدم عيني شطر مكبوت
مشارية وعتب وانفاس مخذولة وحرّاقه


عرب نحن ُ ولكن فالكلام وقضمة البسكوت
رجــــال ولكن القدره مثل دمعات منساقه


فيـَـلبنان اثبتي مثل الشجاع وثبّتي بيروت
قدم وجه التخاذل لايفك البيت وارواقه


هنا اشجعنا يفكر وش يبي يلبس وولّم كوت
يوم ان الجندي الارعن لشعبك ولّم اطراقه


نعم نحن ُ نتابعكم ومن ريموت إلى ريموت
ولكن وش تبي فاللي سكوته منبر افاقه ؟؟؟


ترانا افضل شْعوب الجزيرة عذر والبـــيلوت
هي افضل مانبي قدم الصباح وموعد اشراقه


فعليك الله مدام انه بقى في صرختيني صوت
تحطين الرجا فاللي رزق عبده من ارزاقه


وإلى منه قضى عسرك وجالك من يزم بْشوت
فأمانة ابصقي بوجهه وخصوصاً داخل احداقه


لأنه من جنى شهدك بعد ماذاق طعم التوت
عرف يبدي لك اعذار الصغار وخان ميثاقه


ولأنك جرح في متن الحياة وترفضين الموت
فـيَلبنان اقبلي عجزي وخمس دموع مشتاقة


وانا مثلي مثل غيري ماعندي غير عشر بيوت ؟
بكيــتك والله العــــالم بحزنك واخــر اعماقة