مساء الموت ياقاده مساء طعم الخزي والعار=مساء قانا تناديكم تنادي ياعـرب تكفون
مساء الدم والتدمير مسا يالعنة الكفار=مساء اجمل هديانا قنابل من بني صهيون
مساكم ياعرب احلى مع هيفاء من اللي صار=مسا يسئل بنادقكم وش اللي ياعرب تبغون
مسا لبنان والضفه مساء غـزه مساء الدار=على اطفال تتهـدم وكنكم مابعد تدرون
واشوف الام تتعذب . هنا زوجي هناك صغار=هناء اطفالي السته حرمني منهم شارون
هنا شفت الدمار اللي ظهر في نشرة الاخبار=وشفت الدمع يغمرني وكأني ياعرب مجنون
اجل وشلون لاشفــتو نسانا تحترق بالنار=ومساجد كلها تهدم عشان اللي بها يصلون
مساء الذل ياكثر جيوش بحالة استنفار=مسا لون السلام اللي اخذ له من دمانا لون
مساء صبرا وشاتيلا مساء فلوجة الاحرار=مساء ارغد سرايركم عليها دايم تنامون
مساء ياشعبنا الثأر مساء يامصدر الثوار=مساء الضعف والذله وش اللي تقدرو تسوون
ماغير الشجب والتنديد واذا زادة بالاستنكار=نعم هذي مبادئنا نعزي من بها يموتون