[فالح الشلوي]

خلك مثل ما انته وانا ببقى مثل ماأنا عليه = واحد يحب بصدق والثاني يدور لامته
دام الزمن يبغا كذا بنقول يالله ماعليه = اصل الخلايق صامته وتحب وهيا صامته
مسكت درب الحب كني لاعب الكوره بيليه = اليا انطلق يبغى الهدف والناس ماهي هامته
مالي جدا باللي اشوفه لان مامثله شبيه = وياحظ شاعر لو يجي ذا الزين هو ألهامته
فاتن ٍ واستغفر الله يسحرك من ناظريه = ان ماطعن بالرمش ولا تذبحك سلهامته
شخص لامنه تبين يصبح العاقل سفيه = ضاع مابين الخصر والشفة أسفل شامته
كنت احسب اني بالهوى فاهم وتفكيري نبيه = واثري غشيم ٍ بالهوى مغرور في غشامته
منول ٍ مرتاح واللي شافني بيقول بيه = ما أطرد ورى النمه ولا اتبع بالهوى نمامته
واللحين لامني ذكرت الوقت انادي هييه هييه = وشلون ارجع وقتي اللي فات وافرد هامته
لا قلت انا شامخ يقول الحب ((دا معناه ايه))؟ = الحب من يبغاه ينسى نفسه وكرامته
ولا ينفع النشاد ولا يلقى اجابه قول ليه = هي لعبة العشاق تبغى رجل ينسى قامته
اما يجيك الحب ولا غصب عن خشمك تجيه = الله يعين اللي نجوم اللي غصبٍ ضامته
يالعنبو حب ٍ يخلي في مطاليق الوجيه = درب النقاده والملامه للوجيه الشامته
ولا الهوى حّرمت انا ماتلمس يديني يديه = مادام مايحّشْم الرجال يّروح بسلامته