السلام عليكم
قصيده أحببت طرحها هنا عسى أن تصل لذائقتكم
فراق العشق أعماني ورعشات الهدب للسيف
....................................وأنا مدري وش أغراني ورجّع نظرتي للعين
نوافذ للهوى أنفتحت متى أنفتحت وليه وكيف
....................................ولوعات البطا طالت ومليت أنتظر تبدين
كذب الخيالات مليته ورسمات النظر للطيف
....................................وسجّات الشعر غابت بعد روحي ولاتدرين
عذاب البعد قدّاني الى ندب البخت والحيف
....................................أداري شي بظنوني وأظنه ماظهر للحين
فياض الحب ضميته وعطّرت النفس للضيف
...................................وعرقين الحشا ذابت بجوفي من زمن وسنين
أواري بين أضلاعي شظايا آهتي من صيف
...................................يديني بالعطا جادت وسنّة للقدر سكين
حياتي وأصدق إحساسي ملاك استوطنت بالريف
..................................نبت من تحت مقدمها ورود وقحويان وتين
نمى في حدّها النرجس تشمّه تعشقه وتريف
..................................تذوب أنفاسها فيني وتقسى بأرضها وتلين
حلمت وما صدق حلمي وكل اللي أشوف امخيف
.................................ياعمري وش بقى أعشق وكل اللي بقى جرحين
وسلامتكم
حمد فرحان