شفت بعيوني كارثه شفت مأساه
شفت القهر يرمي عليَه سهامه
عيني غشاها الدمع والقلب وشجاه؟
هذا الجسد أزرت تشيله عظامه
رموز البراءه شفتها في محياه
طفلٍ صغير ودوب تسمع كلامه
يشكي غياب الأم والبعد خلاه
مثل اليتيم اللي تنحوا عمامه
جلس بجمبي والحكي ضاع بشفاه
يقول طرفي مااهتنى في منامه
يقول أمي سافرت قلت عزاه
وهلت دموعه مثل وبل الغمامه
وشلون مدري؟ جالها قلب تنساه؟
تنسى ضناها كيف تنسى إبتسامه؟
عزي لمن مثله تعذب بدنياه
يومه وليله عايشٍ في ظلامه
وأقفى ولاحت بين الأطفال يمناه
ودعني وصوت الحزن في سلامه
عامر وكم عامر ضحية معاناه
لحظة عناد إثنين فيها الندامه
ترجمت مافي داخلي وقات ياالله
إرحم غريرٍ مابقى إلا حطامه
ليان
صح السانك ولاهنتي
تحيتي