هلا هلابـك عـد سجـده وتهليـل = وعداد ماسج القـدم فـي طريقـه
رسا لتك زاحـت همـوم وغرابيـل = وفرحت بها نفس(ن)بحبك غريقـه
اذكرك في يومي ولا انساك بالليـل = ولابطيت زاد القلب همـه وضيقـه
حبك غزا قلبي على اصايل الخيـل = حتى استحله واثبت انـه صديقـه
ومزنك نزل ماه وسقى القلب بالحيل = واخذ منك صدق الوفـا والحقيقـه
لاتستمـع نقالـت القـال والقيـل = اهدافهم كشـف الخفايـا العميقـه
السر صعب ولانكشف مله تعديـل = ولايشكفه حتى الشقيـق لشقيقـه
هالليل شفقانـه عليـك المواويـل = وبرق المحبه صـوب دارك بريقـه
اخـذ جميـلات المثايـل تساهيـل = ولاهو بيـوم اجيبهـا فـي دقيقـه
اضبط معانيها على الكيف ماتميـل = وجيـب للمعنـى كلامـن يليـقـه
ضبط المهيـل بالقرنفـل وبالهيـل = جدايـدي والا القدامـا العتيـقـه
ماهي علوم المصبنـه والمهابيـل = اهـل العلـوم الهافيـات الرقيقـه