الاولويه لمنابع
جيت اتبحر في الشعر واستثيره
واغازل القيفان وامسك رسنها
سافرت من ديره وحولت ديره
وموطن حروفي قلبي اللي سكنها
الصعب ماهونت عنه واسيره
وعزة العربان لي ما امتهنها
خذيت مالدنيا تجارب كثيره
وسجلتها لناس تعرف ثمنها
ماقلتها رضوه لشيخ العشيره
ولاقلتها بمجالسٍ ما أئتمنها
ماقلتها والقصد بالقلب غيره
والا مزاحم ناس تكثر رطنها
ولا اهتم اللي دوم يكثر زفيره
وناس كلام الجد سمم بدنها
ناس الحقايق منها مستطيره
متعوده على الفرش وزمنها
أنا وأنا في السنتها وثيره
على كل وجه بشامها وبعدنها
من كثر فتواها العرب مستجيره
من كثر هذرتها تزيد بفتنها
عقولها ياكود حبة شعيره
وان جيت للاجسام ماكبر وزنها
يخيب منهم كل من تستشيره
واسرارهم مع النسا تلتسنها
قولو كبيره وانا ابيها كبيره
ياعلها رصاصه لمن زبنها
قولو خطيره وانا ابيها خطيره
حتى نتخطاها ونرجم وثنها
اخوكم عبدالله اعقيل