السلم عليكم ورحمة الله وبركاته
القصيده :
أنا جيتك عقب دعوه مسا البارح بنظراتك= وإذا كانك مكذبني حبيبي إسأل عيونك
كأنك من زمن بلقيس وأنالك من حضاراتك= وعليم الله ماكني سوى الغمضات بجفونك
قمر واحساسي الأجمل سرابي في مداراتك= بلا تشبيه ياعمري أصل لون القمر لونك
أنا صحوة ضمير الحب وكل أوجه خياراتك= مهو معقول تنساني وأنا مالك نصف كونك
تذكر زين أوصافي أنا اللي دست جمراتك= وأنا اللي منكوي قلبه زمان الطيش من دونك
أنا اللي كنت في صغرك أحدد لك مساراتك= بأي دروب أسلكها تجي بعدي على هونك
ولا به شي يشهدلي ماغير آهات زفراتك= تقول ابصمت لعروقك أنا من جد مجنونك
وياما قد رسم قلبي ملامح حب زهراتك= وأنا ذاك الفتى الساذج على قولك ومظنونك
جعل يومي قبل يومك أنا طب إنكساراتك= أنا يا هيه إحساسك عرفت ألحين مفتونك
وسلامتكم
حمد فرحان