[محمد جمعان]

أشغلت قلبي وروحي بالعيون النرجسيّه=
والجمال اللي عطاها الله مامثله جمال=
صافية عرق وأصيله تفتخر باسم ابدويه=
مثل ورده ناعمه في وجهها حسن وكمال=
الحلا والزين فيها شبه ريمن عارضيّه=
مكسبن في مشتراها بنت عز وراس مال=
من عطاه الله منها نعم قسمه والعطيه=
كاملة عقل وسجايا رابية عز ودلال=
فايقه حسن الصبايا بالحلا والجاذبيه=
لوبغوا للزين وصف بوجهها يضرب مثال=
فوق كل الناس عندي مثل قمرا معتليّه=
مالكه وجدان روحي ليتها لي بالحلال=
مثلها بالوصف نادر راعية روحن نديّه=
القمر منها يغير وتشرق الوان الظلال=
مشيها مشي العروس وواثقة خطوه قويه=
شامخه مثل النخيل وطيّبة هرج ومقال=
من يشوف الوجه يحسب من حلاها فارسيّه=
العيون وساع والثغر المحلّى بالزلال=
ابتسامه من شعاها تخفي القمرا وضيّه=
ونوروجهن مثل شمسن ساطعه وقت الزوال=
واهنيّ اللي عطاه الله منها واهنيّه=
شيخة الغيد الحسان ومالكة أحلى خصال=