[سعيدالعمودي]

الاهداء لصاحبة القلب الطيب....

ليت يهدى ضجيج الوقت والا لسنه=
= ودي اصغي ولكن مافهمت الكلام
ماطربت لحديث الناس والسلطنه=
= اخرالدرب نقطة ضودونه ظلام
القصص لوتواتر كلها محزنه=
= الملل ساد في جوي وحصل مقام
تستفز الحناجر رغبة الدندنه=
= والشجر ماسالني كيف مات الحمام
بعض الاشيا بعيده بالامل ممكنه=
= والقريبه بعيني بعد هاك الغمام
بعض الاحيان امارس حالة القرصنه=
= واتخيل جحود الناس واكل الحرام
بس هالعمر قلي بس من يضمنه=
= المنايا قريبه وانت مالك دوام
بين ضلعي وضلعي قلب في مسكنه=
= قلدٍ في طريق الشوك اغلى وسام
اتجاوز عليه احيان واجننه=
= واتبعه وادري انه غاوياٍ مستهام
كان له في مسيرات القدم هيمنه=
= حطني كل مره عرضة الاتهام
قصةٍ وسط وجداني بدت معلنه=
= لونسيت الاسيه مانسيت الغرام
اتجاهل غيابه واجهل الامكنه=
= لين صوته سمعته يندهن باهتمام
اااه وش جاب هذا الشعر من دوّنه=
= من شرحلي دروسه والخلايق نيام
اعترف كان همي من ذهب معدنه=
= مانساني دقيقه رغم هذا الزحام
ضعت واحسب حياتي ياامل ممكنه=
= لين شفت الحقيقه شمس وسط الظلام