آخر ما نزف قلبي
من غلاك .. !!
يا كريم الجراح / و يا شحيح الشفا=يا كثير المحبة / و يا قليل الوصال
يا بعيد التلاقي / و يا قريب الجفا=يا ابتسام المدامع / في نحيب السؤال
يا لحون المواجع / والحلم لي صفا=يا هدوء الزوابع / بين ماي ٍولال
يا سحاب ٍ تبارق / هزني و اذرفا=أمطر بجمر لاظي / في وريدي اشتعال
يوم شعشع هلاله / كل جرح ٍ عفا=ضيعتني وصوفه / بين حرم و حلال
ما عرفت أتتقا / هو لقتلي لفا ..؟=أو جيوش اللواحظ / لافية باحتلال ..؟!!
به عروقي اتّـلاحم / كل فتق انرفا=عيّدت به جروحي / قبل شوف الهلال
زعفران ٍ و هيل ٍ / بالدلال احتفا=أوقد الجوف ضلعه / و القهاوي زلال
هيه أحبك و أحبك / في صحاة و غفا=هيه أحبك حقيقة / تنبلج من شمال
اقرب وشوف دمي / بك يضج اكتفى=( أوووه ) حتى جروحي / تنزفك بامتثال
اقرب وقول أحبك / عيدها و ارشفا=من غدير المحاجر / عـلّ شربة تعال
إيه أحبك و أحبك / هيه أحبك ( كفى )=ان بغيته بسلم ٍ / أو جنون و قتال ..!!