[نوف الميموني]

السلام عليكم ورحمه الله وبركاته ،،

لا أنــكــر دور المــرأه

لكـــن لا أؤيــــد حقوقــها السيــاسيه !!!

بمناسبه الاجواء الانتخابيه التي تعم دوله الكويت
اضع بين ايديكم هذه القصيده والتي تمثل وجهة نظري الخاصه ،،

يعني عشاني حرمتن وانت رجـال = دايـم جدالـك متخـذ عنصريّـه
يانصفي الثاني على كل الأحـوال = الضلع الأعـوج لايجـي هامشيّـه
بنـاء دورك بالميـاديـن فـعّـال = ونضرب عشانك للمراجـل تحيّـه
لازلت في وضع الصداره ولا زال = بأعلى المراتـب تآخـذ الأولويّـه
حق السياسه اختلف بيـن الاقـوال = ورأي المعارض حايـز الأغلبيّـه
بشويش واسمع كلمه الحق تنقـال = ولا أبيك تشعل من كلامي قضيّـه
بنات حواء لـو يقاسـن بالأعمـال = محدن نكرهـن بالفعـل والعطيّـه
افعالهن تبقى علـى مـر الأجيـال = بصمه مهمـه فـي حيـاة البريّـه
لهن مواقف شامخه مابهـا جـدال = تاريخهن شاهـد علـى كـل نيّـه
وكانك بغيت الجد في كل الأحوال = رأيي بقولـه وأكتبـه فـي يديّـه
" أصلاً عشاني حرمتن وإنت رجال = حـق السياسـه للرجـل أولويّـه"

وسلامتكم