تحديت الشعر كله وانا شاعر ترا مجـــنون=الا من قلتها كلمه يوقف هالشعر كله
تعلمت الشعر لجله..عرفت إني أبد ما خون=عرفت إني لجل عينه..غديت الشاعر الفله
لأني شفته بعيني وشايف ماغدا مكنون=لأني ضايع بدونه وإلامن ضاع أنا دله
وأنا لو بنتقي وصفه.. هنا مبسم .. سواد عيون=هنا خصرٍ يعذبني .. يابري الحال لا تله
هنا المزيون ولا غيره أبد في هالبشر مزيون=أبحلف بالذي كمل جماله حالفٍ بالله
عليّه بالحرام إن السحر في وجنته مقرون=الامن خزني بعينه .. شياطيني أتولم له
عليه الرمش ما كنّه سوا بجيوش نابليون=كما صف العساكر لا على هذا تجي مظله
هنا صوتٍ عليه البح .. يالبّا صوته المفتون=أنا حالف على صوته تروح أرواح منذله
وهنا ردفٍ تحت خصره .. على هذا قوي متون=ليا منه مشى يقعد عروق القلب ويحلّه
مع المشيه يصيغ حروف وأنا لو قلتها يبطون=لأنه بالجمال اللي صعب للناس تو صله
لأنه واثق الخطوه ..مع الخطوه ترا يقرون=تعابير الملوك اللي مشت ما تدعس الظله
عنيد الطبع والحيله والامن قلتها تكفون=ترا تكفى تهز رجال .. ليا من شانلي دله
ليامن جيته بنفسي..أجيله دايم ٍ بالهون=وهو يطرب على فعلي وأنا كني على مله
الا يالعنبو شعرٍ قصر بالوصف لو تدرون=أنا يكفيني الغالي.. وغيره ما طرا لله
غلاه اللي سكن قلبي وحبه بالحفظ والصون=وانا اللي حالفٍ بالله .. غلاه اليوم ما مله
انا ما همني يدرون وحتى ايش لو يدرون=قصيده والبطل فيها حروف الاسم جارالله
وسلامة قلوبكم