طريق(ن) سرته بليا هدى و مابه معي له زاد=صغيرة سن تنقصني تجارب و اجهل اسراره
حبيبي ليه هالغيبة ترى جمر الهوى وقاد=بجوفي يسعر و يقوى لهيبه تقتوي ناره
ضلوعي له حطب و القلب يساعد ضوها تزداد=هلا بك يالهوى غلطة و ذنب بدون كفارة
سنيني للعذاب كتاب و دمعي حبره المعتاد=كتبت بسطري الفرقا بداية قول تذكاره
تذكرت الوعود اللي نطقناها بلا ميعاد=تذكرت الكلام اللي بدينا فيه مشواره
تعال و خلنا نهنى كفاية مابدى بعناد=انا ادري فيك تتعذب بعيد شلون تختاره
ابرفع بالدعى صوتي لربي واحد الآحاد=و ابطلب منه ترجع لي احبك و اعلن اشهاره
احبك كلمة اعلنها على روس الملا الاشهاد=حرام تموت لحظاتي بحب(ن) خفت اظهاره
حبيبي رجعتك عيد وتراها ثالث الاعياد=ابلبس لك جميل اثياب و احط العقد و سواره
واتزين و بتعطر و انطر فرحتي بك راد=ونهزم جندها الفرقا و يرفع حبنا شعاره
مشاعل ابراهيم
(مملكة البحرين)