اشري غلا منهو شراني شريته= مابيع خوة صاحبٍ مانساني
يصفطلي الجزلات لامن لفيته= واصفطله الجزلات لامن لفاني
لو يطلب عيوني وروحي عطيته= ولو اطلب اعيونه وروحه عطاني
في حزة الشده نصاني وجيته= ماني متردي مع رفيقن نصاني
هذا الرفيق اللي بضيقي لقيته= والظرف لاحده على طول جاني
لاعان في دنيا المشاكل فديته= واعاني فدنيا كثر ما يعاني
وافرح ليامنه فرح مانسيته= ماني بناسي صاحب لي وفاني
اجزى لمن يفعل بفعله جزيته= بطيب ولا وده بشي ثاني
منهو جفاني في زماني جفيته= ماني مقدر صاحب لي جفاني
ومنهو دعاني للكرامه دعيته= ماني بداعي واحدٍ ما دعاني
ومنهو وفا بحقي بحقه وفيته= ماني مقصر لو يطول الزماني
ابني غلا حبه بقلبي بنيته= وابني غلا وتقدير والعز باني
واشري غلا منهو شراني شريته= مابيع خوة صاحبن مانساني