لو حداني الوقت لدروب الخطا =والظروف الكايده تسرق مناي
ولو حرمني البعدمن لحظة صفا= والليالي زودت عمري عناي
واتحد باقي حياتي بالجفا = مانسيت طعون خلي في حشاي
اذكري لحظة طلبتك بالخفا = وانتي اول من سرق مني هناي
قبل عرفك ما عرفت الا وفا= وعقب عرفك زاد شري مع بلاي
ودي اعرف ليه تملاني دفا= لاسمعت اسمك تردد في شفاي
وليه تشكي عقبها عيني الحفا=من كثر ما سال دمعي في مساي
ولو سئلتي الرمش كم له ماغفا=جاوبك بالحال من حزة صحاي
ولو سئلتي الحال منهو له شفا= رد كلي من سبب صوتك شفاي
ضحكتك بلسم وريقك لي دوا= وانت تمنعني بفعلك من دواي
ودي اروى من عسل ثغرك وانا=من قبل لا اخلق وانا فيني ضماي
ياحروفي رددي كافي كفا=يمكن انه يسمعك ويقول جاي
تزهر ايامي بزوله لا لفا= والعروق تفيض تسقيها بماي
وحسبي الله كان شوقي له دعا= ولاسمع مني ولاجاوب دعاي
وانهي السيره مثل ماهو نها= وادفن اشواقي شهيده في هواي