[محمد القثامي]

بسم الله

00000

000
0

ياللي هوى الغربي يلاعب جدايلك = والله مادري ويش سوّيت فيني
مِن شافتك عيني وعيني تحايلك = والليل طال ولاغفت عنك عيني
ألمح بروقك في سمايه واخايلك = واحسب حساب البعد بينك وبيني
ياقْرَبْ عناقيدي ولاني بطايلك = يعني على ماقيل وينك وويني
عَشَقْت نَجْدِك واطمع بجود حايلك = وانثر على ساحلك باقي حنيني
ومن كثر ماني بالمعاليق شايلك = بيّحت للورقا بخافي كنيني
ويوم اذكر انّ الصدّ آخر فعايلك = أصد وارجع والغلا محتويني
ماكنّك الا مغرقتني جمايلك = ولاكنّي الا مَعْك ماوفيت ديني
لكنّ مادام الأصايل أصايلك = لاكثر الله بالهوى عاذليني
بَعْشق تغنجك ودلعك وتمايلك = وامدّ لمصافح يمينك يميني
وانته ليا من غبت بالله سايلك = سيّر عليّ بكل وقتٍ وحيني
واليا سرى الغربي يلاعب جدايلك = حاول تِحِس بلوعة الشوق فيني