[محمد الأسمري]

من قبل لاتكتب وتشطب في طلوع وفي نـزول=أحيان في قمة جبل وأحيان في بطـن المسيـل
أبسألك ياصاحبي ؟ يمكن سؤالي به فضـول!!=الشعر وش يعني؟ خلاف الحزن والوزن الجميل
وبسألك ليـه. الحيـاه اللـي نقدسهـا تـزول=واللي نحبـه دون مـا سبـه تزفـه للرحيـل
وبسألك وبسألك وبسألـك؟ مـا أبغـى حلـول=ودي تحط إيديك فوق الجرح وتـداوي عليـل
كم من وجيه تمرنا وأنته وأنـا يمكـن نقـول=هذا مثْل هذا .. وهذا غيـر هـذا.. مستحيـل
وكم من حروف إنمرها ونذرها تنبـت حقـول=كريمه حروف القصايد كل مـا أتهجـى بخيـل
سافر على أعماقي تلاقي سحر تهذيب العقـول=يالشاعر اللي مالقى فـي ظـل تفكيـره مقيـل
(والشعر وحي النفس) والشاعر لما دونه رسول=مداين أحلامه براد وغصـن زيتـون وهديـل
(أما الحياه) اللي بها عمرك يطـول ولايطـول=من حلوها في مرهـا وتمرهـا عابـر سبيـل

الله الله الله

صح لسانك يالجزل

.. مبدع .. وعوايدك ما تجيب الا الجزله

لله درك يا شيخ ..

.. قصيدة مثل هالقصيدة .. ما يحذفها عاقل

لك كل تقدير .. وصدقني انت شاعر وأخ مكسب ..على المستويين الأدبي والشخصي