[هيكل الشمري]

هذه القصيده مهداه الى من اراد ان يجرحني بيوم ميلادي

وين القهوجي بساع انا ابغاه بالحال = عفريت راسي للقوافي تحرك
جيب القدوع وهات وياه فنجال = بقدع لذيذ الكيف من زين تمرك
الطيب ماينفع جحيدين وانذال = والعفن لو ترضيه لا ما يسرك
سرّيت انا جيش القوافي على ارتال = عسكرتلك مايردع اليوم امرك
يومك عسفت القاف بالقيل والقال = قلي علامك عايف الحين عمرك
للعلم ماجالك معي قاف زلزال = خايف عليك اليوم لا لا تضرك
لاتحسبني شارد الذهن والبال = الوذ بالله من مكامين شرك
اليوم ميلادي على كل الاحوال = مابي على ذكراه اجرك واكرك
وين القهوجي بساع انا ابغاه بالحال = عفريت راسي للقوافي تحرك
جيب القدوع وهات وياه فنجال = بقدع لذيذ الكيف من زين تمرك

ملاحظه وين (( القهوجي )) :: على الها فتحه وسكنه على الواو كلمه شماليه

وتختلف بالجنوب حيث :: على الها سكنه وعلى الواو فتحه