هزيت جذع الذكريات وطاحت خيام العلوم = فرشت صدرالليل ودروب الهجوس العاريات
سافرت لعروق الضما اشرب معانات الحزوم = واغيب في ذهن الفيافي والسهر والامسيات
الصمت يرمي لي حباله والمدى كله هموم = والخوف يعزفني على اوتار الجراح المبطيات
حبيبتي واثرالمسا تحييه فزعات النجوم = على سكون الوقت واحلام الخدر والامنيات
البرق يطعن في وريد الليل واجفان الغيوم = واسترعفت نغمات الايام الخوالي الماضيات
رحت انشد ايامي وجتني تلبس ثياب الحلوم = مثل المسافة والعيون تثيرعج الذكريات
دفنت في ليل الهواجس عمري واثراحلاه يوم = كنتي لمواعيد الضما دجلة حياتي والفرات
حبيبتي باقي من الاطلال في قلبي رسوم = تحكي مشاوير السنين اللي مضت والمقبلات
رجم الزمان اللي بناه الوقت ماهوب مهدوم = لو خانته بعض الليالي ما يخون الباقيات
يالهم الاول في حياتي والاخير من الهموم = ما غيرانا والصمت وخيولك بميدان الحياة