[وليد الخالد]

السلام عليكم ورحمة الله وبركاتة



اخواني وأخواتي



قصيــده متواضعه .. لتواصل معكم .. وأتمنى ترضي ذائقتكم



صلو على النبي


:

:

:

:

:

سوق الدموع اللي بها كذب وخداع=يا ابو عيون ٍ كنها سم صايب
تلعب بقلبي لعبة الموت لا ذاع=وسط الجريدة بالوفيات غايب
عيشتني في قصة ٍ مالها داع=مثل الحبيب اللي خذوه الحبايب
لأجل التسلي والوناسه والأطماع=واليوم عاف الحب والراس شايب
يا بنت أنا ماني سفينه بلا شراع=من وين ما تمشين بمشي وهايب
بحر الهوى يا خاين الحب سماع=للي شكى خله جميـع القرايب
قبلي كتب عن قصة الحب فزاع=والا سعد علوش بالحب تايب
يا مكبر ذنوبي وأنا صرت بالقاع=أرحل تراني يا عميل الهبايب
نويت اجازي راعي الصاع بالصاع=وأسوق لك همي سوات الكتايب
زرع ٍ ليا منه تعب فيه زراع=ربك يزيد اللي زرع بالسحايب
يعني أنا لامن زرعتك على القاع=أوطاك اذا تجني علي المصايب

وسلامتكم




..