دخيلك يــابعد كل القصيــد وصفحة الاشجـان = دخيــلك ثـــم دخيــلك ثــم دخيـلك لاتخــلينـــي
دخيلك والله اني من بعدكم طايح(ن) تعبــان = ولاحصــلت غيــر الشـــعر ياعمــري يســليني
اشوفــك فيــه يومنك علي بشوفتك بخـــلان = واضمه فوق صدري وامسح الدمعات من عيني
انـــا يابنت احبـــك حب ماحبــه ابــد انســان = ولاحبــه بشـــر من خلقــة الدنيـا الــى الحيني
ولــو حطـوك في كفـه وكل الخلق بالميـزان = قســـم بـــالله ياعمـــري لترجحبك مــوازينــي
الا يالجــوهره يالمــــاس يالولو ويامـرجــان = دخيــل عيـــونك الســود وجمــالك لاتبــكينــي
كتبت الشعر فيك وقامت اطاوعني القيفــان = تقول اكتب مــادام الجــوهره عقــد(ن) يحليني
كتبتك قصة العاشق وحطيت اسمك العنـوان = حكـــايه عـــاطفيـــه والبطــوله بينــك وبينــي
.
.
الشاعر الرائع
نايف خلف العتيبي
.
.
اهلا وسهلا بك في منابع الشعر والأدب وكلنا سعاده
بتواجد هذا الاسم بيننا وعسى ان تجد لدينا مايكون
دافعا" لك لتقديم الجديد والمميز وكل ماهو معهود
منك ويكون سببا" في طيب وطول اقامتك بيننا .
والشكر كل الشكر لـلعزيز والغالي فهد الذيابي
على تقديمه الدعوه للمميزين امثالك
وياهلا بك ومرحبا بين اهلك واخوانك ومكانك العيون
والقلوب قبل المنتدى . .
.
.
حضور للترحيب وسيكون لي عودة الى هذه الرائعة
ان شاء الله . . .
.
.
تقبل فائق تقديري واحترامي