سلام ياللي غيابك صـار لـه مـده=عساك مستانس(ن)وبخيـر بغيابـك
لو صاحبك من غيابك بايـح سـده=وضايق وضيقه كوى قلبه من اسبابك
يعد طول الغيـاب ويختلـف عـده=مايدري الوقت وش بالفعل سوابـك
وده قـدر ماطلبـت وتملكـه يـده=مير البلا صايبه بالفعـل ماصابـك
والله والله عطاك العذر مـن جـده=مايعتذر لك علـى شـان يتلهابـك
وعندي خبر من تردى حزت الشده=اتعيفه النفس لو انـه مـن اقرابـك
مير البلا القل يعصى الرجل ويـرده=ويصك دون الوفا والمرجلـه بابـك
وينحاك عن ماتود ونفسـك اتـوده=ويخلف ظنونك وظن اللي تهقوابـك