اسعد الله مساكم
توادعني..وأقول الله يصبّرني على فرقاك=وش اللّي تتركه غير السَّهَر والشوق في عيني
ترا ماهي بسيطة..يوم أقفّي عنك..واستنّاك=معا حرب الزفاير معركة..تدْمي مياديني
جروح العشق فيني منك..تامرها ولاتنهاك=وأنا منها..حشا ماأنهى سوايا عِشْقها فيني
معي حتى الجروح تموت..من زود الهوى تهواك=تقول الله على جرحِك..دخيلك لاتداويني
مادام انّه معي طيفك..ولو كان المراد ألقاك=بقايا صورتك بآخر لقا في طيف كافيني
على وعد انتظار..ارجي يديني..تلتقي يدّاك=عسى الله لا يعدّمني يدينك بين يدّيني
والى عاد الفراق..الله يصبّرني على فرقاك=أبأقْفي وابتَسِم..وأنت اعرِف انّ الشوق في عيني
وسلامتكم...
علي الاسمري