السلام عليكم ومساكم الله بالخير
دون مقدمات
بين يديكم
صلّوا على النبي
علتي في داخلي صعب ٍ دواها=مالقيت لعلتي شخص ٍ يداوي
نفسي اللي عاجزه عن مبتغاها=ومبتغاها مايجي بكثر المناوي
يسألوني ليه يانايف تباها=يحسبون إن التباهي بالخطاوي
والخواطر مادروا عن محتواها=بالخواطر مالهم غير الهقاوي
كل نفس ٍ ياعرب تتبع هواها=ذاك يفعل فعلته وهذاك ناوي
الرجال من الهوى شابت لحاها=والهواوي الله يعين الهواوي
لارماله رمية ٍ وأبعد مداها=وده انه ماتخيـّبه الرجاوي
ولا صعد قمه وحـّول من علاها=وده انه مايطيح الا امتساوي
عيني اللي تستفيض اليوم ماها=والسبايب من فراقك يامضاوي
علتي في داخلي وينه دواها=وينه اللي للعلل دايم يداوي
يوم أجر الآآآه والونه وراها=البلاوي داخلي كل البلاوي