وجتني اليوم زعلانه
تقلي ما أبيك وغيب
_ آفااا وش صار
قولي لي
عسى هو خير يا فلانة
* تقلي خير عقب إني
أقلك روح
أظن فرحان ؟
وأنا وحدي إلي غرقانه
_ ترى والله ظلمتيني
ترى بعدك عن عيوني
بيحرقني ويكويني
وشوفك هو بيقهرني
إذا في يوم حيرانة
*شفت شلون لعبك بان
يعني ما تبي شوفي ؟
_ هداك ِ الله يا عمري
وش إلي تقولينه ؟
أظن اليوم تعبانه
* وش تقصد ؟
أنا أهذي ؟
أظن بتقول مجنونه
أو بتقول سكرانة
_ علامك يا بعد عمري ؟
تفسريلي كلامي غير
تدوري عالخطا فيني
تلونيني بألوانه
أقول استهدي بالرحمن
وأقول تعوذي بالله
من الشيطان
* أفاااا تكلم
قول إلي تبي تقوله
وليه خجلان ؟
قــّلي انتي شيطانه
_ عذ بالله من الشيطان
*وبعد مني بتتعوذ
_ حشا والله مهو منك
* عسى ما كون غلطانة
ما به غير أنا وانته
_ حياتي شو إلي صاير لك ؟
تعوذنا من الشيطان ؟
* تحسبني أنا بلهاء
بكلامك كنت تقصدني
_ عيونك حيل ذبلانه
تعالي نروح للدكتور
ترى تعبك يتعبني
*عيوني ما غدت تعجبك ؟
تذكر يوم جبت أهلك
طلبت ايدي
وكنت تناظر
بعيني
على مهلك
كنت شوي رح تبكي
لأجل عيون سلطانه
لجل هي ترضى سلطانه
_ حياتي حيل أنا تعبان
أبي أرتاح
* عقب انك حرقت أعصابي بتقـّـلي
أبي ارتاح
عقب انك طمست القلب بأحزانه ؟
تبي ترتاح ؟
_ أقول الحين وش تبغين ؟
أنا مليت
* أبي بعدك
على قربك أنا ذا اليوم
ندمانه
_ لك والله ما تبغين
روحي وا .......
(بديها قفلت فمي )
* اسكت يا بعد كلي
فديتك أوعى تنطقها
أنا والله غلطانة
أبدلل عليك وبس
بتغلى
تبي بعد العمر هذا تطلقني ؟
_ من هو قال ؟
* انته قلت (روحي وا .....
_ كنت أقصد
روحي واعملي قهوة
أبسهر معك ِ هالليله
مدامك انتي سهرانه