نبض ُ ُ يتجدد بوجودكم
هب الجفا00طاح الورق00شاله الريح=وقلوبنـا مابيـن مـوووت ، وعرايـاااا
اللـي بليـل اشواقهـا كالمصابيـح=تشعـل مشاعرهـا بوسـط الحنايـا
شالت رجاها بالوصـل والتفاريـح=ماتت عطش بارض الغلا والرجايـا
ماتت قهـر بعـد الشقـا والتباريـح=واللـي حملهـا ، ابتعـد للـزوايـا
طاح الجريح اللي بكـوه المجاريـح=وحار الكلام ، وضاع وسط الشفايـا
والأرض عقب العشق والغيم والشيح=صارت سراب ، ورحلـة ٍ للمنايـا
واللي تعرّت جازت الصدق تجريـح=ماثمّنـت قلـب ٍ عطاهـا مـزايـا
أول وهي تمسـك زمـام ومفاتيـح=وعيـن الغـلا ماتلتفـت للنـوايـا
أثر المشاعـر عندهـا كالمراجيـح=وانا اعتبر ضحكاتها لـي هدايـا!!!!
ويوم كتبت في جرحها كل توضيـح=قامـت تباهـى بالخطـا للبـرايـا
ترفع يديهـا مـن فرحهـا بتلويـح=حيّـت جماهيـر الغـدر والخطايـا
طاح الورق ، والعين مع هبّة الريـح=شافت بناظرها قلووووووب ٍ عرايـا