.
,
دوك الفؤاد اللي من سنين مجروح=زيدي جروحه مدمن جروح الاحباب
ماعاد فيه احساس قد ماتت الروح=ذكيتها من شان تُجرح وباسهاب
من شان ماتزعجك ياشوق وتنوح=لاجيتي بجرحٍ وهو ماله اسباب
وانا ادري انه شي مكتوب فاللوح=كلة مقدر والمقادير باحساب
ولاظن يبقى شي ماهو بمشروح=ولاعاد يبقى غير تقفيلة الباب
روحي وانا عقب التعازير باروح=اليا انتهى التعذيب في قلب منصاب
عقب انكوى بالنار ودمية تفوح=قلبٍ تدرب للعزاير ووثاب
كم جرح يطعن فيه ويقول مسموح=متسيدة طيبة ولا هو بهياب
غيمار