صدفه لقيتك وش تقول الليالي=لوتدري اني من وراها لقيتك
جفت عيون الهم ترثي لحالي=وانا احتريك ياكثرمااحتريتك
مات الرجا فيني ومات احتمالي=ورثيت حالي بالحياة ورثيتك
يعجز جواب الليل يروي سؤالي=ليه انتهيت وتوني ماابتديتك
تضماك عيني واشربك في خيالي=واثرك سراب ولوشربتك ضميتك
قلبي يسولف بك من اول وتالي=ماشاف غيرك ليتك تحس ليتك
لوشفتني يغار مني ظلالي=ليا تركته يحسب اني لقيتك
غالي من اول وانت الحين غالي=واكثر هويتك ليتني ماهويتك
تعال خذ من عمري اللي بقالي=وعطني من ايامي بعض ماعطيتك