مساء / صباح الخير
للتواصــــل أحــبتي ..
:::
::
:
غصـبٍ عليّ أبعِـد وغصبٍ عليكِ=وغصبٍ علينا نفترق وإنتــباعــــــد
يالغاليه هالأمـر ماهــــــــو بيديكِ =بيـــــد الزمان اللي علينا تواعَـــد
ضدي وهو ضدك لأجل ما أجيكِ =يبعد حبيبٍ مع حبيبه تواعــــــد
بالحــب دام الحـــب مزروع فيكِ =وأنتي وأنا و الحب دوم إنتساعــــــد
ولو هو بيدّي كان أرجــــــع إليكِ =وأمسك يدك وأحس فيها إتراعــــــد
يازين هاللــحظه و فاهي بفيـــــكِ =لحظة غروب الشمس والليل صاعد
أصــلاً ترى قلبي شفـــــوقٍ يبيكِ = بس الظروف اللي حدتنا تباعِــــد
تدرين شوفــك ياغلاي إن خفيـكِ= من بعـدها بنسى النحو والقواعـــــد
كل القصايد في غيابك تبيــــــــكِ=وكل المعاني تحتمي وأنت قاعــد !!
بس إعرفي بإنْ خاطري مانسيكِ =وإن الغــلا دومٍ لك أنت يتصاعــــد
:
::
:::
وسلامة قلوبكم
خالد بن عاصم