[أكرم التلاوي]

لعنبو بـي القصايـد .. لعنبوهـا بيـت بيـت=ولعنبو بـي القوافـي .. والحـروف الأبجديـه
كم كتبت من القصيد .. وكم على عمري بكيـت=كم حزنت ,, وكم فرحت .. وكم دخلت النرجسيه
بالهوى أكتب قصيده .. وسطها قلبـي حويـت=حبرها دمي وتنزف .. مـن شرايينـي شذيـه
في ثواني كيف مدري .. ينهدم كل ( ال ) بنيت=ينتهي عهـدن حسبتـه .. أول أيامـي النديـه
وإن حزنت أكتب وأكتب .. كل ضيقن به شكيت=ما تزايد غير جرحن .. والنهايه هـي ّ َ هـي ّ َ
كم كتبت من المديح .. ورغم هذا مـا اعتليـت=وكم هجيت بهالقصايـد .. كـل آفـات البريـه
كم نظمت وكم نثرت .. وكم فقدت وكـم رثيـت=لا الشعر رجع لي غالي .. يوم وافتـه المنيـه
الشعر وش هو يفيدك .. ان كتبت وما ارتقيـت=ومن قرا شعرك وصفق .. وش مكانه بالقضيه ؟
( المعري ) شخص أعمى .. حرر بلاده ب/ بيت=واحنا بعيونن سليمـه .. مـا تفادينـا شظيـه (1)
كم كتبت لاجل الأقصى .. قمت عدلت ومحيـت=ورغم كل أبيات شعري .. ما قدرت آخذ هويـه
ولاجل بغداد القصيده .. حبرهـا دمـي سقيـت=ما استفادت م/ القصايد .. غير أنـواع الأذيـه
البحر رغم إتساعه .. لو شربته مـا ارتويـت=ولو ( تفلت ) بوسط جوفه .. ما تزيده أي شيّـا
تشبه البحر القصايد .. لا عطيته ,, ولا خذيـت=ويشبه ( التفلات ) شاعر .. ما غدا بالشعر حيّا
رحمة الله عـ( المعري ) .. عايشن فينا وميْت=ورحمة الله لكل شاعر .. عيشته صارت خطيـه

المعري : هو أبو علاء المعري الشاعر الضرير الملقب ( بأسير المحبسين ) الذي حرر مدينة المعره بهذه الأبيات

أراني في الثلاثة من سجوني = فلا تسأل عن الخبر النبيث ِ
لفقدي ناظري ,, ولزوم بيتي = وكون النفس بالجسم الخبيث ِ