[نواف التركي]

.


.


.

هالليل موحش بدون أحبـاب لكنّـي=أمسح غبار الغياب بدمعـة أحداقـي
وأروح أخيّط فتوق الذاكـره لأنّـي=أخاف برد الغيـاب يطفّـي أشواقـي
أحاول أفرح مثل هـالنـاس وأغنّـي=لو أكثر الحزن ينبت داخـل أوراقـي
مو ذنبي أن الدروب السـود ودنّـي=يا آخر بقايا الغرام بـداخل أعماقـي
لولا الغلا ماقطعـت البعـد متعنّـي=ولا زبنتك أليا من الفضـاء ظاااقـي
ياللي زبنتك / كفوف الوقت تطعنّـي=حبيس حزني عسى بيدينـك أطلاقـي
يا آخر ملاذ الغريب أن خاب بك ضنّي=ماعاد لي رغبةٍ فـي عمـري الباقـي
هالليل كنّه خذى بعض الحـزن منّـي=عزّوا عليّ الوصال وشمت بـفراقـي

.

.

.

اللقمه اللي وراها الغبن والحسره = ما الله موازي عليها يابعد حيي
لو مابقى من فتات الخبز لو كسره = الذل ما ترتضيه الروح وتعيي
ولو كل كفٍ تمد الطيب من يسره = ما كان للبدو بعض الطيب متهيي
ولو نفترض يفتي المفتي عن العسره = فتواه ماهي بـ ليّ ولا بني خيي
يفتي لـ من ما (بـ خرجه) شي ويخسره = أنا معي تركة الأجداد ياخيي