السلام عليكم
بداية .. أتقدم بالشكر الجزيل للأخ والزميل الشاعر بسـام بن عبدالعزيـز
لدعوتي إلى هذا المنتدى الرائع .. كما أتمنى أن أكون عند حسن ظن الجميع
وهذه أول قصائدي لكم
ياصِدفْها ماحلى بالعمر ياعالم صِدفها=هي غناتي غايتي ويسكن بقلبي غلاها
دنيتي للي هويته وإن بغى روحي ملكها=ولو بغت مالي وحالي ياعرب كلي فداها
ضيعت فكري وبالي وصرت أنادمها سهرها=خلت برقه لايحٍ نوره يضوي لي سماها
يا بروق الليل شعّي وإنثري بأرضك مطرها=وأروي جروحي دواكي يادوا العلّه وداها
زولها يطري علي بساعةٍ قارب وعدها=أسعده ربي بخيرٍ بالصبح وأول مساها
رمش عينه لا نظر لي .. يلمس عيوني هدبها=غيره وبالحال شوفه طبعها الطاغي كساها
خدها باهي بياضه وياحلاة وصوف يدها=تشبه اللي بالرحيق السكر العاسل حلاها
شفها تسمر معي ومنوة الروح وطربها=أحتضنها بصدر دافي ياهوا الروح ودفاها
ليتها فوق النجوم اللامعه يسطع قمرها=وليتها تخفي غلاي بداخل القلب وخفاها
ياكثر نوحي عليها خوف ياخذها قدرها=مايريح البال لين الرب ياخذني حذها
مهرةٍ ركابها يرهى على القوم بجلدها=تسبق اللي بالسماء واللز ماظن يخفاها
بنت ابوها ومخبيه ويهبى منو طلبها=ماتليق إلا لرجلٍ بالستر يضفي غطاها
شيخه ومن راس قومٍ مايغالط في نسبها=عقد لولو بالغلا يحرس عليها من شراها
شامخه عز ومعزه ينعرف حتى حسبها=من رجالٍ في دهاها يحتمى حامي ذراها
وإن رحلتي إذكرني يابعد حالي وحدها=يستر الله مامضى وبارك الله في خطاها
وسلامتكم