انا وسرج حصان شعري والسنين الماضيـات = وانا والاوراق وسواد الليل والحبـر اصدقـاء
وانا خوي اهموم قلبي والمفـارق والشتـات = ابشعب احصاني على الله جيت يابـاب الشقـاء
وانا خويك انجـوم ٍ فـى سماهـا ساريـات = وتـرى خويـك يانجـوم الليـل للعليـا رقـاء
البارحه عيت اعيونـي لاتهنـى بـا سبـات = وللي بقاء لاتنشدوني عنـه مـدري وش بقـاء
يامعذبي عرضتنـي غبـة ابحـورٍ مظلمـات = اسبح ولاسبح بس اقول الموت والناس طلقـاء
واسمع هدير الموج وصوات الطيور الطايرات = حـره وانـا مملـوك والباقيـن ياهيـه عتقـاء
زلتبي اقدامي بعد ماكنت طامع فـى الثبـات = اضحك على نفسي واقول اشوي ويحين للقـاء
وانا عن الشبط وهبوب البرد ملحفك العبـات = يعني على ماقالو العالـم علـى وضـح النقـاء
وشبيت لك ناري وجبت الهيل ودلالٍ خـوات = وقهويتك الفنجال والهقوات تذبـح مـن هقـاء
وهاذي نهايتهـا تعرضنـي اذيـابٍ جايعـات = تنهش لحم جسمي بعد صرنا من البعد افرقـاء
وهاذي نهايتها اعيوني من فعولـك ساهـرات = والجسم ناحل والهواء غدار والنـاس اغرقـاء
ان كان مـاودك اعيونـي لاتهنـى بالسبـات = نذراً علـى انـي لوريـك الشقـاوه والشقـاء